सुवास खत्री, चोरमारा

नबजागरण बहुमुखी क्याम्पस चोरमारामा यहि पौष २७ गतेदेखी माघ ०६ गते सम्म हुने श्रीमद्भागवत पितृ मोक्ष धनधान्यचल बिराट ज्ञान महायज्ञको तयारिको सन्दर्भमा समिक्षात्मक बैठक आज बसेको छ । सचिबालय समितिको उपस्थितिमा आज समिक्षात्मक बैठक बसेको हो । बैठकमा महायज्ञको तयारिको सन्दर्भमा आज सम्म सम्पन्न गरेको क्रियाकलापको समिक्षा गरिएको महायज्ञ मुल समारोहका उपसंयोजक केदारप्रसाद पराजुलीले बताउनुभएको छ ।
बैठकमा मुल समारोह समिती संयोजक चेतनाथ तिवारी ,सचिवालय सदस्यहरु तुलसीराम तिवारी, केदार प्रसाद पराजुली , अमृत प्रसाद ज्ञवाली, प्रकाशचन्द्र पगेनि , जिबन पाठक, राजु पाण्डे ,कृष्ण तिवारी, हरि प्रसाद देबकोटा, सदस्य सचिब देबीप्रसाद सुबेदी, र सहसचिब जिबन नारायण अर्यालको सहभागिता रहेको थियो । बैठकले यस पुन्य कार्यमा सृजनात्मक सहभागिताको लागि सम्पुर्ण शिक्षक,बिध्यार्थी,अभिभावक ,समितिका पुर्ब पदाधिकारिहरु,आजिबन सदस्य लगायत समस्त धर्मानुरागी महानुभाबलाई अनुरोध समेत गरेको छ । अहिले
प्रचारप्रसारको लागि विभिन्न वडाहरुमा समितिहरु समेत गठन गर्ने कार्य जारीे छ । जसअन्तरगत अहिलेसम्म मध्यबिन्दु नगरपालिकाको वडानम्बर ३,४,५,६,७ र ८ मा वडा स्तरिय समिति गठन गरिसकिएको प्रचार प्रसार समितिका संयोजक जीवन पाठकले बताउनुभयो । क्याम्पसमा अध्ययन गर्ने विधार्थीहरुका लागी सर्वसुलभ शिक्षाको व्यवस्था गर्ने, क्याम्पसलाई भौतिक सुविधायुक्त बनाई गुणस्तर सुनिश्चितता प्रत्यायन क्यिु ए ए प्राप्त गराउन, स्नातक तहमा समयसापेक्ष प्राविधिक शिक्षा तथा छात्रावास सन्चालन गर्न, अति विपन्न परिवारका विद्यार्थीहरुलाई छात्रावृती प्रदान गराउँने उदेश्यले पितृ मोक्ष बिराट ज्ञान महायज्ञको आयोजना गर्न लागिएको हो । महायज्ञमा केदारनाथका पिठाधिश सिवाचार्य महाराज ज्यु को उपस्थितिमा पितृ मोक्षको लागि विशेष पुजाको समेत ब्यवस्था गरिने बताईएको छ ।