No ads found for this position

चलचित्र विकास बोर्डको अध्यक्षमा भुवन देखि राजेश सम्मको दौड

NAWALPUR TIMES
प्रकाशित : २०७६ माघ ७ गते ९:२०
No ads found for this position
चलचित्र विकास बोर्डको अध्यक्षमा भुवन देखि राजेश सम्मको दौड
No ads found for this position

गत मंसिर २९ गते चलचित्र विकास बोर्डमा अध्यक्ष केशव भट्टराईको निधन भयो । दुईवर्षे कार्यकालका लागि सरकारले गत चैतमा नियुक्त गरेका भट्टराईको हृदयाघातका कारण नियुक्ति पाएको ९ महिनामा निधन भएको थियो । उनले आफ्नो कार्यकालमा बक्स अफिस लागु गर्न सुरु गरेका थिए ।  भट्टराईको निधन पछि रिक्त रहेको अध्यक्ष पदका लागि अकांक्षीहरूले लबिङ सुरु गरेका छन् । बोर्डको रिक्त अध्यक्ष पदका लागि निर्देशक दयाराम दाहाल, अभिनेता भुवन केसी, राजेश हमाल, नवल खड्का, निर्देशक तथा कलाकार लय संग्रौला, आकाश अधिकारी र निर्देशक केपी पाठकको नाम चर्चामा छ । 
दयाराम दाहाल आकांक्षीमध्ये सबैभन्दा बलियो प्रतिस्पर्धी भएको चर्चा सुरु भएको छ । दाहाल सञ्चारमन्त्री गोकुल बाँस्कोटाका गृहजिल्लाका हुन् । उनले बाँस्कोटालाई चुनावमा सहयोग गरेर गुन लगाएका छन् । भुवन केसी पनि अध्यक्षको दौडमा छन् । तत्कालीन एमालेनिकट भुवन नेकपाका नेता माधव नेपालनिकट मानिन्छन् । बोर्ड अध्यक्षका अर्का आकांक्षी हुन् अभिनेता राजेश हमाल । उनले पनि अध्यक्षका लागि आकांक्षा देखाएका छन् । बौद्धिक अभिनेताको छवि बनाएका राजेश पनि यतिबेला लबिङमा जुटेका छन् ।
नवल खड्काले पनि आफूलाई अध्यक्षको प्रतिस्पर्धीका रूपमा प्रस्तुत गरेका छन् । यस्तै, लय संग्रौलाले पनि अध्यक्षका लागि लबिङ गरिरहेका छन् । यसैगरी, निर्देशक आकाश अधिकारी र केपी पाठक पनि अध्यक्षको दौडमा छन् ।

प्रकाशित : २०७६ माघ ७ गते ९:२०
No ads found for this position
Copyright © 24 Integreated Media Company Pvt. ltd., All Rights Reserved.
Website by: SAROJ BHATTARAI