त्रिवि मैदानमा नेपालले अमेरिकालाई पराजित गर्दा …… फोटो फिचर

NAWALPUR TIMES
प्रकाशित : २०७६ माघ २५ गते २१:४१
त्रिवि मैदानमा नेपालले अमेरिकालाई पराजित गर्दा ……  फोटो फिचर

काठमाडौँ । आईसीसी विश्वकप क्रिकेट लिग २ अन्तर्गत नेपाल पहिलो जित दर्ता गरेको छ । शनिबार त्रिवि क्रिकेट मैदान कीर्तिपुरमा भएको अमेरिका विरुद्धको खेलमा नेपालले जित दर्ता गरेको हो । त्रिकोणात्मक सिरिज अन्तर्गत आफ्नो दोस्रो खेलमा नेपालले अमेरिकालाई ३५ रनले पराजित गरेको हो । टस जितेर पहिले फिल्डिङ गरेको अमेरिकालाई नेपालले १९१ रनको लक्ष्य दिएको थियो । अमेरिकालाई ४४ औं ओभरको पहिलो बलमा अलआउट गर्दै नेपालले जित दर्ता गरेको हो । नेपालका लागि करण केसीले ४, सुशन भारीले ३ र सन्दीप लामिछानेले २ विकेट लिए । यस्तै कुशल मल्लले १ विकेट लिए । अमेरिकाका लागि इयान होलाण्डले अर्धसतकीय पारि खेल्दै ७५ रन जोडेपनि टोलीको हार टार्न सकेनन् ।  यसअघि टस हारेर पहिलो ब्याटिङ गरेको नेपालले अन्तिम ओभरको दोस्रो बलमा अलआउट हुँदै १ सय ९० रन बनाएको थियो । नेपालका लागि कुशल मल्ल र विनोद भण्डारीले अर्धसतक प्रहार गर्दै इनिङ्स उकासेका थिए । विनोदले ६२ बलमा ५१ रन बनाए । कुशलले डेब्यु खेलमै कुशलले पहिलो अर्धसतक प्रहार गर्दै ५० रन जोडे । कुशलको अर्धसतकले विश्व कीर्तिमान समेत बनाएको छ । सबैभन्दा कम उमेरमा एकदिवसीय अन्तर्राष्ट्रिय क्रिकेटमा उनले अर्धशतक बनाउने विश्व कीर्तिमान बनाएका हुन् । आजको खेलमा ज्ञानेन्द्र मल्ले २१, पारस खड्काले १९ र करण केसीले १२ रन बनाएका थिए । अमेरिकाका लागि क्यामरुन स्टेभेनसनले ३ तथा रुस्ती थोरेन र कप्ता सौरभ नेत्राभाल्करले समान २—२ विकेट लिए । जितसँगै नेपालले दुई खेलबाट २ अंक जोडेको छ । 

तस्वीरहरु : क्यान फेसबुक पेज

प्रकाशित : २०७६ माघ २५ गते २१:४१
Copyright © 21 Integreated Media Company Pvt. ltd., All Rights Reserved.
Website by: SAROJ BHATTARAI