राईनो गोल्डकपमा आज बाट क्वाटरफाइनलका खेलहरु सुरु हुँदै : आज पुलिस र विजय युथ हेटौंडा खेल्ने
प्रकाशित : २०७६ फागुन ९ गते ११:२३
नवलपुर/ ९ फागुन
नवलपुरको कोल्हुवामा जारी पाचौं राईनो संरक्षण गोल्डकप फुटबल प्रतियोगितामा आज बाट क्वाटरफाईनल चरणका खेलहरु सुरु हुदैछ्न।
आज हुने पहिलो क्वाटरफाईनलमा विभागीय टिम नेपाल पुलिस क्लब र एफसी विजय युथ हेटौंडा भिडने खेलका प्रचार प्रसार संयोजक विष्णु अधिकारीले बताए ।
यस अघि सम्पन्न खेलहरुमा नेपाल पुलिस क्लब चितवनको सेन्ट्रल कलेज विएफसीलाई ३-१ गोल अन्तर र विजय युथले झापा-११लाई ६-१ गोल अन्तरले हराउदै क्वाटरफाइनल प्रवेश गरेका हुन ।
विश्वकै दुर्लभ एक सिङ्गे गैडाको संरक्षणमा टेवा पुर्याउनु बिगत १० वर्ष देखि आयोजित राईनो गोल्डकप प्रतियोगिताको पाँचौ संस्करण फागुन ५ बाट सुरु भएको हो ।
खेलमा विभागीय टिम नेपाली सेनाको त्रिभुवन आर्मी क्लब, नेपाल पुलिस क्लब ‘ए’ डिभिजनका फुटबल क्लबहरु गरी १० टिमको सहभागिता रहने आयोजकले जनाएको छ ।
प्रतियोगिताको विजेताले १० लाख, उपविजेताले ५ लाख र शिल्ड तथा ट्रफी पुरस्कार पाउनेछन् ।
ताजा अपडेट
Facebook Comment