विद्युत प्राधिकरण घोराही शाखाको गाडी एक्कासी भट्टी पसलमा छिरेपछी….

NAWALPUR TIMES
प्रकाशित : २०७६ फागुन २९ गते १८:५७
विद्युत प्राधिकरण घोराही शाखाको गाडी एक्कासी भट्टी पसलमा छिरेपछी….

बिहीवार अपराह्न नेपाल विद्युत प्राधिकरण घोराही शाखाको गाडी एक्कासी घोराही नगरपालिका-१५ मा रहेको एक भट्टी पसलमा छिर्यो ।

आफूतर्फ गाडी आइरहेको देखेर होटेलका साहु शिवराज थापा भाग्न खोजे तर गाडी आइसकेको थियो । उनी सामान्य घाइते भए ।

पौने ३ बजे नजिकैको वासिङ सेन्टरमा धुन भनेर लैजाँदै गरेको बा १ ञ १६५५ नम्बरको स्कोरपियो भट्टी पसलमा छिरेको हो। विद्युत प्राधिकरणले गाडी धुन भनेर दिएपछि वासिङ सेन्टरमा काम गर्ने १८ वर्षका दिनेश बुढाथोकीले गाडी चलाउँदै थिए ।

गाडी भट्टी पसल भित्र त छिर्यो तर काउन्टरबाट अघि जान पाएन। होटेलमा छिरेको गाडी ग्राहकसम्म भने पुग्न पाएन । बुढाथोकीले गाडीको ब्रेक लगाउनसम्म भ्याए।

प्रहरीले गाडी चलाउने बुढाथोकीलाई पक्राउ गरेको छ भने होटेल संचालक थापाको राप्ती अंचल अस्पतालमा उपचारका लागि लागिएको छ।

प्रकाशित : २०७६ फागुन २९ गते १८:५७
Copyright © 21 Integreated Media Company Pvt. ltd., All Rights Reserved.
Website by: SAROJ BHATTARAI