नातिको बिहेका लागि बेलायत पुगेका क्षेत्रीको कोरोना संक्रमणका कारण मृत्यु
प्रकाशित : २०७६ चैत २९ गते ७:३१
नातिको बिहेमा सहभागी हुन बेलायत पुगेका बाग्लुङका कर्ण बहादुर क्षेत्रीको कोरोना भाइरस संक्रमणका कारण मृत्यु भएको छ ।
सामान्य डायरिया र खानाको स्वाद फरक भएको लक्षण देखिँदै गएपछि लन्डनको नर्थवीक अस्पतालमा १० दिनसम्म आइसीयुमा भर्ना भएका उनको कोरोना भाइरसका कारण बुधबार (८ अप्रिलमा) मृत्यु भएको उपचारमा संलग्न डाक्टरले बताएका छन् ।
प्रवासी नेपाली एकता मन्च बेलायतका अध्यक्ष राजेन्द्र पुडासैनीले क्षेत्रीको मृत्युले सबैलाई मर्माहत बनाएको भन्दै श्रद्धान्जली व्यक्त गर्दै परिवारजनमा समवेदना प्रकट गरेका छन् ।
बेलायतमा रहेका छोरा मिलन केसी र बुहारी सरस्वती केसीका साथमा बस्दै आएका थिए। उनीहरु व्यवसायी रहेको बताइएको छ ।
प्रकाशित : २०७६ चैत २९ गते ७:३१
ताजा अपडेट
Facebook Comment