सनसिटीका ५७ बर्षीय पुरूषमा फेरि देखियो कोरोना संक्रमण

NAWALPUR TIMES
प्रकाशित : २०७७ वैशाख २४ गते ७:१२

कोरोना भाइरसमुक्त भई घर फर्केका काडमाडौंका एक जनामा पुनः संक्रमण पोजेटिभ देखिएको छ ।

काठमाडौंको सनसिटी अपार्टमेन्टका ५७ वर्षीय पुरुषमा कोरोना संक्रमण देखिएको हो । फलोअप चेकअपका क्रममा जाँच गर्दा पुनः कोरोना पोजेटिभ देखिएको स्वास्थ्य तथा जनसंख्या मन्त्रालय स्रोतले जनाएको छ ।

५ चैतमा बेलायतबाट आएर सनसिटीमा बस्दै आएका उनीसँगै उनकी ८१ वर्षीया आमामा कोरोना संक्रमण भएको १ वैशाखमा पुष्टि भएको थियो । पाटन अस्पतालमा उपचार गरेर आमाछोरा ११ वैशाखमा घर फर्किएका थिए । पुनः कोरोना संक्रमण देखिएका उनको पाटन अस्पतालमा उपचार भइरहेको छ ।

यता, नारायणी अस्पतालबाट डिस्चार्ज भएका दुई जना पुरुषमा पनि पुनः कोरोना पोजेटिभ देखिएको छ। रौतहटका २१ वर्षीय पुरुष र अर्का एक भारतीय नागरिकमा संक्रमण देखिएको हो। नयाँपेज डटकममा खबर छ।

प्रकाशित : २०७७ वैशाख २४ गते ७:१२