आजको मौसमः हावाहुरी, चट्याङ र वर्षाको सम्भावना

NAWALPUR TIMES
प्रकाशित : २०७७ वैशाख २६ गते १०:१४
आजको मौसमः हावाहुरी, चट्याङ र वर्षाको सम्भावना

२६ वैशाख । जल तथा मौसम पूर्वानुमान महाशाखाका अनुसार शुक्रबार देशका उच्च पाहाडि तथा पश्चिम तराईका विभिन्न स्थानमा हावाहुरीसहित असिना पानी पर्ने सम्भावना रहेको छ। पूर्वी क्षेत्रमा अपराह्नपछि वर्षा हुने देखिए पनि काठमाडौं उपत्यकासहित मध्य क्षेत्रमा भने त्यसअगाडि नै वर्षा हुने महाशाखाको पूर्वानुमान रहेको छ।
त्यस्तै आज रातीसम्म देशभर सामान्य बदली रही मध्य र पूर्वका केही स्थानमा र पश्चिमका एक–दुई स्थानमा मेघगर्जन, चट्याङ, असिना र हावाहुरीसहित हल्का वर्षाको सम्भावना रहेको छ । शनिबारसमेत देशको अधिकांश भू–भागमा सामान्यदेखि पूर्ण बदली कायमै रहने जनाइएको छ । नेपाल प्रवेश गरेको यो मौसमी प्रणालीको प्रकृति हेर्दा अझै केही दिन मौसम सफा हुने अवस्था छैन । महाशाखाको पछिल्लो विवरणअनुसार आज काठमाडौँ उपत्यकाको न्यूनतम तापक्रम १९ दशमलव पाँच डिग्री र अधिकतम तापक्रम २८ दशमलव दुई डिग्री सेल्सियस रहेको छ ।

प्रकाशित : २०७७ वैशाख २६ गते १०:१४
Copyright © 21 Integreated Media Company Pvt. ltd., All Rights Reserved.
Website by: SAROJ BHATTARAI