ओली प्रचण्डको संयुक्त वक्तव्य – लिपुलेकमा सडक बनाउँदा नेपालको सार्वभौमिकताको अवमुल्यन

NAWALPUR TIMES
प्रकाशित : २०७७ वैशाख २८ गते ६:००
ओली प्रचण्डको संयुक्त वक्तव्य – लिपुलेकमा सडक बनाउँदा नेपालको सार्वभौमिकताको अवमुल्यन

काठमाडौ । सत्तारुढ नेकपाले भारतले नेपालको लिपुलेक हुँदै निर्माण गरेको सडकले नेपालको सार्वभौमिकताको अवमुल्यन गरेको जनाएको छ। नेकपाका अध्यक्षद्वय केपी शर्मा ओली र पुष्पकमल दाहाल प्रचण्डले संयुक्त वक्तव्य जारी गर्दै सडक निर्माण गर्ने कार्यले सार्वभौमिकताको अवमुल्यन गरेको जनाएका हुन्।  भारतीय रक्षा मन्त्री राजनाथ सिंहले शुक्रबार नेपालको लिपुलेक पास हुँदै चीनको मानसरोवर जोड्ने सडकको उद्घाटन गरेको थिए। नेपाल सरकारले उक्त कार्यलाई खेदजनक भनेको छ। नेकपाले सुगौली सन्धि अनुसार महाकाली नदी पूर्वको भूभाग लिम्पियाधुरा, कालापानी र लिपुलेक नेपालको भएको उल्लेख गरेको छ। नेपालले पटकपटक सचिव स्तरीय वार्ता मार्फत् सीमा विवाद सुल्झाउन गरेको पहललाई भारतले वेवास्ता गरेको नेकपाको वक्तव्यमा उल्लेख छ। साथै नेकपाले तत्काल सडक निर्माण कार्य रोक्न माग गरेको छ। सीमा क्षेत्रमा थप जटिलता उत्पन्न हुने कुनै कार्य नगर्न समेत भारतलाई नेकपाले आग्रह गरेको छ।

प्रकाशित : २०७७ वैशाख २८ गते ६:००
Copyright © 21 Integreated Media Company Pvt. ltd., All Rights Reserved.
Website by: SAROJ BHATTARAI