भर्चुअल रूपमा कार्यक्रम गरि नेपाल प्रेस युनियनको २९औं स्थापना दिवस मनाईदै

NAWALPUR TIMES
प्रकाशित : २०७७ जेठ १३ गते १२:४८
भर्चुअल रूपमा कार्यक्रम गरि नेपाल प्रेस युनियनको २९औं स्थापना दिवस मनाईदै

नेपालका प्रजातन्त्रवादी पत्रकारको साझा संस्था नेपाल प्रेस युनियनले आज आफ्नो २९ औं स्थापना दिवस मनाउदै छ । कोरोना संक्रमणका कारण मुलुकमा लकडाउन भएकाले सार्वजानिक कार्यक्रम नभएपनि केन्द्रीय समिति र विभिन्न जिल्ला शाखाहरु भर्चुअल रुपमा विभिन्न कार्यक्रम गरि युनियनको स्थापना दिवस मनाउदै छन् ।

स्थापनाकालदेखि नै युनियनले सञ्चारकर्मीका पेसागत तथा भौैतिक सुरक्षाका सवालमा वकालत गर्दै आएको युनियनको स्थापना ट्रेड युनियनवादको अवधारणा अनुरुप भएको हो । नेपालका सञ्चारकर्मीलाई सङ्गठित बनाई श्रमजीवी पत्रकारका पक्षमा वकालत गर्दै आएको प्रेस युनियन अन्तर्राष्ट्रिय पत्रकार महासंघ (आइएफजे)को नेपालबाट सदस्यता प्राप्त गर्ने पहिलो संस्था हो ।

विसं २०४८ जेठ १३ गते तत्कालीन प्रधानमन्त्री गिरिजाप्रसाद कोइरालाका प्रेस सल्लाहकार जयप्रकाशप्रसाद गुप्ताको संयोजकत्वमा प्रेस युनियनको जन्म भएको हो । त्यसयता युनियनमा हरि अधिकारी , रमेश तूफान, तारा बराल, कुलचन्द्र वाग्ले, मुरारी कुमार शर्मा, समीरजङ्ग शाह र किरण कुमार पोखरेल अध्यक्ष भइसकेका छन् ।

युनियनका मुलुकभर मुस्ताङ र हुम्लाबाहेक सम्पूर्ण जिल्लामा जिल्ला शाखा र कैलालीको लम्की उपशाखा तथा काठमाडौँमा साँखु शाखा तथा विभिन्न संचार प्रतिष्ठानमा सातवटा शाखा रहेका छन् ।

प्रकाशित : २०७७ जेठ १३ गते १२:४८
Copyright © 21 Integreated Media Company Pvt. ltd., All Rights Reserved.
Website by: SAROJ BHATTARAI