चितवन । चितवनको भरतपुर अस्पतालको आईसीयूमा एक युवकको मृत्यु भएको छ ।
माडी नगरपालिकाका २७ वर्षीय पुरुषको शनिबार बिहान मृत्यु भएको हो । उन मा ज्वरो र खोकीको समस्या बढ्दै गएपछि शुक्रबार दिउँसो भरतपुर अस्पतालको कोभिड आईसीयूमा भर्ना गरिएको थियो ।
उपचारकै क्रममा उनको शनिबार बिहान करिब साढे १० बजे मृत्यु भएको भरतपुर अस्पताल स्रोतले जानकारी दिएको छ ।
उनी भारतबाट करिब दुई साता अघि माडी आएको जनाइएको छ । उनमा कोरोना संक्रमण थियो कि थिएन भनेर जाँच गर्न स्वाब संकलन गरेर ल्याबमा पठाइएको छ ।
प्रकाशित : २०७७ जेठ २४ गते १३:५२
Facebook Comment