नेपालमा थप ५८६ जनामा कोरोना संक्रमण पुष्टि, संक्रमितको संख्या ७१७७पुग्यो
प्रकाशित : २०७७ असार ३ गते १६:२६
विगत २४ घण्टायता नेपालमा थप ५८६ जनामा कोरोना भाइरसको संक्रमण देखिएको छ।
पछिल्लो २४ घण्टामा देशका विभिन्न प्रयोगशालामा गरिएको परीक्षणका क्रममा थप ५८६ जनामा कोरोना भाइरसको संक्रमण पोजेटिभ देखिएको स्वास्थ्य तथा जनसंख्या मन्त्रालयले जानकारी दिएको हो। यी मध्ये ४० जना महिला हुन् भने ५ सय ४६ जना पुरुष हुन्।
आज थपिएका सहित नेपालमा संक्रमितको संख्या ७१७७ पुगेको प्रवक्ता डा. गौतमले जानकारी दिए।
प्रवक्ता डा. गौतमका अनुसार हालसम्म देशका ७३ जिल्लामा संक्रमण देखिएको छ। नेपालमा बुधबारसम्म २० जनाको भने कोरोना संक्रमणका कारण मृत्यु भएको मन्त्रालयले जानकारी दिएको छ।
प्रकाशित : २०७७ असार ३ गते १६:२६
ताजा अपडेट
Facebook Comment