विराटनगर । नेपालमा कोरोना भाइरसको संक्रमणबाट हुने कोभिड–१९ बाट मृत्यु हुनेहरुको संख्या ४१ पुगेको छ ।
विपी कोइराला स्वास्थ्य विज्ञान प्रतिष्ठान धरानमा ६० वर्षीय एक पुरुषको कोभिड १९ का कारण मंगलबार राति निधन भएको छ । महोत्तरी गाउँपालिका वडा नम्बर ३ मोरईका ती बिरामीमा कोरोना संक्रमण रहेको तीन दिन अघि पत्ता लागेको थियो ।
गम्भीर अवस्थामा भर्ना भएका उनको आइसियुमा उपचार गर्दा गर्दा निधन भएको प्रतिष्ठानले जानकारी दिएको छ ।
नेपालमा हालसम्म १७९९४ जना व्यक्ति कोरोनाबाट संक्रमित भएका छन् भने १२४७७ व्यक्ति निको भएका छन् ।
प्रकाशित : २०७७ साउन ७ गते १०:१४
No ads found for this position
Facebook Comment