नवलपुरमा कोरोना संक्रमितको संख्या ३२१ पुग्यो
प्रकाशित : २०७७ साउन १५ गते ९:०३
कावासोती । नवलपुरमा कोरोना संक्रमितको संख्या ३२१ पुगेको छ ।
पछिल्लो २४ घण्टामा कावासोतीका ५ जना, हुप्सेकोटका ४ जना र गैडाकोटका २ जनामा कोरोना भाइरस पुष्टि भएको छ ।
यो सहित नवलपुरमा संक्रमितको संख्या ३ सय २१ पुगेको जिल्ला स्वास्थ्य कार्यालय नवलपुरका प्रमुख केशव चापागाईले बताए ।
हुप्सेकोटमा ४ जना पुरुषमा संक्रमण पुष्टि भएको हो ।
त्यस्तै गैडाकोट २ मा आमा छोरामा कोरोना भाइरस पुष्टि भएको छ ।
नवलपुरमा अहिलेसम्म ३,९८८ जनाको पिसिआर विधिबाट स्वाब परीक्षण गरिएको छ जसमा ३,६६७ जनाको नेगेटिभ पुष्टि भएको छ भने बाँकी ३२१ जनामा पोजेटिभ देखिएको हो ।
पोजेटिभ देखिएका मध्ये २ सय ७८ जना निको भएर डिस्चार्ज भईसकेका छन् । बुधबार थप ३ जना निको भएर डिस्चार्ज भएका थिए ।
प्रकाशित : २०७७ साउन १५ गते ९:०३
ताजा अपडेट
Facebook Comment