No ads found for this position

सन्दीपले विकेट लिए पनि जमैका पराजित

NAWALPUR TIMES
प्रकाशित : २०७७ भदौ १७ गते १०:४६
No ads found for this position
सन्दीपले विकेट लिए पनि जमैका पराजित
No ads found for this position

काठमाडौं, १७ भदौं । नेपाली खेलाडी सन्दीप लामिछानेले आफ्नो सातौं खेलमा विकेट लिए पनि उनको टोली जमैका तलावाज पराजित भएको छ ।

शनिबार राति भएको खेलमा जमैका ट्रिन्बागो नाइट राइडर्ससित १९ रनले पराजित भएको हो । उक्त खेलमा सन्दीपले एक विकेट लिए । उनले चार ओभरमा २० रन खर्चिए । योसँगै सन्दीपले सीपीएलमा सात खेलमा १० विकेट लिएका छन् ।

क्यारेबियन प्रिमियर लिग (सीपीएल) अन्तर्गत सातौं खेलमा ट्रिन्बागो १९ रनले विजयी भयो । हालसम्म अपराजित रहेको ट्रिन्बागो प्रतियोगिताको शीर्ष स्थानमा रहेको छ । जमैका भने सात खेलमा तीनमा जित तथा चारमा हारका साथ छ अङ्कसहित तालिकाको चौथो स्थानमा छ ।

शुरुआतमा ब्याटिङ गर्दै ट्रिन्बागोले चार विकेटको क्षतिमा १८४ रन बनायो । एक सय ८५ रनको विजयी लक्ष्य पछ्याउने क्रममा जमैकाले निर्धारित २० ओभरमा छ विकेटको क्षतिमा १६५ रन बनायो ।

ट्रिन्बागोका लागि कोलिन मुरनोले सर्वाधिक ६५ रन बनाए । यस्तै लेन्ड सिमोन्सले २५ तथा सुनील नारिनले २९ रन जोडे । बलिङतर्फ जमैकाका कार्लोस बाथवेटले दुई तथा सन्दीप लामिछाने र फिडेल इडवार्डले एक एक विकेट लिए । सन्दीपले लेन्स सिमोन्सको विकेट लिएका थिए ।

जमैकालाई जिताउन आन्द्रे रसेलले अन्तिम समयसम्म सङ्घर्ष गरे । उनले अविजित अर्धशतकीय पारी खेले । रसेलले २३ बलमा चार छक्का र पाँच चौकाको मद्दतमा ५० रन बनाए । यस्तै ग्लेन फिलिप्सले ३१ बलमा ४१ रन बनाए । कार्लोस बाथवेटले अविजित २१ रन जोेडे पनि जमैकालाई जिताउन भने सकेनन् ।

बलिङतर्फ ट्रिन्बागोका लागि फवाद अहमदले दुई तथा अकिल हुसैन, खइरे पिइरे, सुनिल नारिन र ब्रेभोले एक एक विकेट लिए । अब सन्दीप सम्मिलित जमैका तलावाजले आठौं खेल बुधबार खेल्नेछ ।

 

प्रकाशित : २०७७ भदौ १७ गते १०:४६
No ads found for this position
Copyright © 24 Integreated Media Company Pvt. ltd., All Rights Reserved.
Website by: SAROJ BHATTARAI