बलात्कारमा संलग्न रहेको आरोपमा दुई युवक पक्राउ

NAWALPUR TIMES
प्रकाशित : २०७७ भदौ २० गते ११:४८
बलात्कारमा संलग्न रहेको आरोपमा दुई युवक पक्राउ

लहान। एक युवतीलाई सामूहिक बलात्कारमा संलग्न रहेको आरोपमा सिरहा प्रहरीले दुई जनालाई पक्राउ गरेको छ।

 

पक्राउ पर्नेमा गोलबजार नगरपालिका-१० का २१ वर्षीय दीपेन्द्र मुखिया र सोही ठाउँका २० वर्षीय दिनेश यादव रहेको प्रहरीले जनाएको छ।

 

इलाका प्रहरी कार्यालय मिर्चैयाबाट खटिएको प्रहरीले दुवै जनालाई पक्राउ गरी अनुसन्धान तथा कारबाही अगाडि बढाएको प्रहरी नायव उपरीक्षक सन्तकुमार जैसवालले जानकारी दिए।

 

गत भदौ १३ गते २१ वर्षीया युवतीलाई मुखियालगायत पाँचजना युवकले सामूहिक बलात्कार गरेको भन्दै प्रहरीमा उजुरी परेपछि घटनामा संलग्न दुई पक्राउ गरेको र फरार तीन जनाको खोजी जारी राखेको प्रहरी नायब उपरीक्षक जैसवालले बताए। रासस

प्रकाशित : २०७७ भदौ २० गते ११:४८
Copyright © 22 Integreated Media Company Pvt. ltd., All Rights Reserved.
Website by: SAROJ BHATTARAI