यस्तो छ आजको मौसम पूर्वानुमान
प्रकाशित : २०७७ असोज २२ गते ८:३६
काठमाडौं, असोज २२ । जल तथा मौसम पूर्वानुमान महाशाखाले आजको मौसम पूर्वानुमान जारी गरेको छ । महाशाखाले जारी गरेको मौसमी विवरण अनुसार आज बंगालको खाडीको उत्तर–पश्चिम भागमा रहेको न्यून चापीय क्षेत्रको प्रभाव पूर्वी नेपालसम्म पुगेको छ ।
सोहि प्रभावका कारण हाल देशभर आँशिक देखि सामान्य बदली रहेको महाशाखाले उल्लेख गरेको छ । विहिबार दिउँसो प्रदेश १, प्रदेश २ र बागमती प्रदेशमा आंशिक देखि सामान्य बदली र बाँकी प्रदेशहरुमा आंशिक बदली रहनेछ।
प्रदेश १, प्रदेश २ र बागमती प्रदेशका एक दुई स्थानमा हल्का वर्षाको सम्भावना रहेको महाशाखाले उल्लेख गरेको छ । साथै रातीसम्म देशभर आंशिक देखि सामान्य बदली रहि प्रदेश १ का एक(दुई स्थानमा हल्का वर्षाको सम्भावना रहेको जनाइएको छ ।
प्रकाशित : २०७७ असोज २२ गते ८:३६
ताजा अपडेट
Facebook Comment