स्कारपियो भीरबाट खस्दा पाँच जनाको घटनास्थलमै मृत्यु, तीन घाइते
प्रकाशित : २०७७ कार्तिक २ गते ८:४४
उदयपुर, २ कार्तिक । उदयपुरको कटारी नगरपालिका–१४ स्थित भदौरे भीरबाट स्कारपिओ खस्दा पाँच जनाको घटनास्थलमै ज्यान गएको छ ।
गए राति भएको दुर्घटनामा अन्य तीन जना घाइते भएका छन् । जिल्ला प्रहरी कार्यालय उदयपुरका डीएसपी बेदप्रसाद गौतमका अनुसार भैरहवाबाट ओखलढुङ्गा जाँदै गरेको बा २०प ७१७१ नम्बरको स्कारपियो राति १ बजे सिद्धिचरण लोकमार्गमा भीरबाट खसेको हो ।
घाइते हुनेमा ओखलढुङ्गा मानेभञ्याङकै कुमारी सार्की, कल्पना सार्की र चालक पवन खड्का छन् । मृतक र घाइते आफन्त भएको खुलेको छ । उनीहरु दशैं मान्नका लागि घर जान लागेको अवस्थामा दुर्घटना भएको बताइएको छ । घाइतेलाई कटारी अस्पताल हुँदै बीपी कोइराला स्वास्थ्य विज्ञान प्रतिष्ठान धरानमा उपचारका लागि पठाइएको छ ।
प्रकाशित : २०७७ कार्तिक २ गते ८:४४
ताजा अपडेट
Facebook Comment