म्याराडोनाको उपचारमा संलग्न चिकित्सकहरू छानबिनको दायरामा

NAWALPUR TIMES
प्रकाशित : २०७७ मंसिर १५ गते ८:३९
म्याराडोनाको उपचारमा संलग्न चिकित्सकहरू छानबिनको दायरामा

एजेन्सी- अर्जेन्टीनाका महान् फुटबल खेलाडी डिएगो म्याराडोनाको उपचारमा संलग्न चिकित्सकहरू छानबिनको दायरामा आएका छन् ।

उपचारमा भएको लापरबाहीले म्याराडोनाको निधन भएको आशंका र आरोपपछि उनको उपचारमा संलग्न चिकित्सकहरू छानविनको दायरामा आएको बीबीसीले जनाएको छ ।

केही समय अगाडि मस्तिष्कको सफल शल्यक्रिया गराएका म्याराडोनाको ६० वर्षको उमेरमा हृदयाघातबाट गत बुधवार निधन भएको थियो।

मस्तिष्क सल्यक्रियापछि भएको म्याराडोनाको निधन हृदयघात नै कारण थियो या थिएन भन्नेबारे छानबिन सुरू भएको हो ।

म्याराडोनाका छोरीहरूले पनि आफ्ना पिताको उपचारबारे प्रश्न उठाउँदै आएका थिए।

आर्जेन्टीनाको राजधानी ब्यूनस एरिजको प्रहरीले म्याराडोनाका चिकित्सक लियोपोल्डो लुकको घर तथा निजी क्लिनिकमा छापा मारेर प्रमाण बटुल्ने थालेको छ।

करिब ३० जना प्रहरी अधिकारीहरू आइतवार बिहान लुकको घर पुगेका थिए । यस्तै २० जना प्रहरीले उनको क्लिनिकमा पुगेको बताइएको छ ।

चिकित्सकको घर तथा क्लिनिकबाट प्रहरीले कम्प्युटर, मोबाइल फोन तथा मेडिकल नोटहरू बरामद गरेको छ ।

प्रकाशित : २०७७ मंसिर १५ गते ८:३९
Copyright © 21 Integreated Media Company Pvt. ltd., All Rights Reserved.
Website by: SAROJ BHATTARAI