गत जेठमा यसरी भिडेका रहेछन् चिनियाँ र भारतीय सैनिक (भिडियो)
प्रकाशित : २०७७ फागुन ९ गते १२:३८
चिनियाँ सञ्चारमाध्यमले भारत र चीनका सैनिकबीच गलवान उपत्यकामा गत जेठ/असारमा भएको हिंस्रक भिडन्तको भिडियो सार्वजनिक गरेका छन् ।
घटनामा २० जना भारतीय सैनिक तथा चारजना चिनियाँ सैनिकको मृत्यु भएको थियो ।
भिडियोमा भारी संख्यामा भारतीय सैनिकहरू निकै कम चिनियाँहरूतर्फ अघि बढिरहेको र नदी तरिरहेको देखिन्छ ।
चिनियाँहरूका पनि अतिरिक्त बल थिए । सैनिकको समूहले दंगा प्रहरीको जस्तो वस्त्र लगाएर निहत्था साथीहरूलाई सहायता गर्न आएका थिए ।
चीन र भारतबीच वास्तविक नियन्त्रण रेखा नजिक बन्दूक उपयोग गर्न नपाइने सहमति बनेको छ । त्यसैले उनीहरू सामान्य हतियार लिएर भिडेका हुन् ।
एउटा भिडियोमा चिनियाँ सैनिकहरूले तनाव बढ्नुमा भारतीय सैनिकहरू दोषी रहेको बताएको सुनिन्छ । भारतीयहरूले सीमापारि टेन्ट लगेको दाबी चिनियाँहरूले गरेको सुनिन्छ ।
फूटेज मादुई सैनिकबीच रातको समयमा व्यापक भिडन्त भएको देखिन्छ तर भिडियो क्वालिटी राम्रो छैन । एक चिनियाँ सैनिकको टाउकोबाट रगत आएको र उपचार पाएको देखिन्छ ।
चिनियाँ सेनाले आठ महिना लामो मौन तोड्दै घटनामा आफ्ना चारजना सैनिक मारिएको बतायो । भारततर्फ २० सैनिकले ज्यान गुमाएका थिए ।
ताजा अपडेट
Facebook Comment