कावासोती । पूर्वी नवलपरासीको हुप्सेकोटबाट १० जना जुवाडेलाई प्रहरीले नियन्त्रणमा लिएको छ ।
हुप्सेकोट गाउँपालिका १ बेलुवामा सोनु नेपालीको घर पछाडि तोरी बारीमा जुवातास खेलिरहेको अवस्थामा नवलपुर प्रहरीले बुधबार १० जनालाई नियन्त्रणमा लिएको जिल्ला प्रहरी कार्यालय पुर्वी नवलपरासीका डिएसपी दिलिपकुमार गिरीले बताए ।
प्रहरीले उनीहरुको साथबाट ३१ हजार ५ सय १४ रुपैयाँ नगदसमेत बरामद गरेको जनाएको छ । पक्राउ पर्नेमा १९ बर्षदेखि ५० बर्ष उमेर समूहका रहेका छन् ।
हुप्सेकोट-१ का इन्द्र थापा, लिलबहादुर गुरुङ, चुराबहादुर सेर्बुजा, होमराज थापा, विनोद गुरुङ, मनोज तामाङ्ग, विशाल सुनार, कोसबहादुर महतो र सुमन गुरुङलाई प्रहरीले नियन्त्रणमा लिएको हो । उनीहरुलाई जिल्ला प्रहरी कार्यालयमा राखिएको छ ।
प्रकाशित : २०७७ फागुन १२ गते १८:३६
Facebook Comment