प्रहरीको साइबर ब्युरो नै साइबर अपराधबाट पीडित

NAWALPUR TIMES
प्रकाशित : २०७७ फागुन १६ गते १४:५९
प्रहरीको साइबर ब्युरो नै साइबर अपराधबाट पीडित

साइबर अपराधसम्बन्धी अनुसन्धान गर्ने नेपाल प्रहरीको साइबर ब्युरो नै साइबर अपराधमा पीडित बन्न पुगेको छ । ब्युरोको नाममा नक्कली फेसबुक आइडी बनाएर सर्वसाधारणसँग पैसा माग्ने काम भएको छ ।

यस्तो अपराधमा संलग्न कपिलवस्तु वाणगंगा नगरपालिका– २ घर भई हाल रुपन्देहीको सैनामैना बस्ने १८ वर्षीय राजीव पोखरेललाई ब्युरोले पक्राउ गरेको छ । उनले नक्कली आइडी बनाई विभिन्न व्यक्तिहरूसँग म्यासेन्जरमार्फत पैसा असुली गर्ने प्रयास गरेको ब्युरोले जनाएको छ ।

प्रहरीको छविलाई बदनाम गर्ने र संगठनप्रति आमनागरिकलाई भ्रमित पार्ने काम गरेकाले उनलाई साइबर अपराध मुद्दामा कारबाही अघि बढाइएको ब्युरोका एसएसपी नवीन्द्र अर्यालले बताए ।

प्रकाशित : २०७७ फागुन १६ गते १४:५९
Copyright © 22 Integreated Media Company Pvt. ltd., All Rights Reserved.
Website by: SAROJ BHATTARAI