घरबाटै खाटसहित दम्पती बेपत्ता घटनामा सीआईबीले अनुसन्धान सुरु गर्याे
प्रकाशित : २०७७ चैत ५ गते २०:३७
महाेत्तरी – महोत्तरीमा घरबाटै बेपता भएका झा दम्पती सम्बन्धमा नेपाल प्रहरीको केन्द्रीय अनुसन्धान ब्युराे (सीआईबी) को टोलीले अनुसन्धान सुरु गरेकाे छ । सीआईबीकाे टोलीले बिहीवारदेखि घटनास्थललगायतका क्षेत्रमा अनुसन्धान थालेको हो ।
ब्युरोका प्रहरी निरीक्षक (इन्स्पेक्टर) को कमाण्डको टोली घरबाटै खाटसहित बेपत्ता रहेका पिपरा गाँउपालिका ५ का मोसाफिर झा र उहाँकी ६० वर्षीया श्रीमती गीतादेवीको सम्बन्धमा अनुसन्धान सुरु गरेको सीआईबी प्रमुख सहकुल थापाले जानकारी दिनुभयो ।
यसअघि बेपत्ता झा दम्पतीको खोजीमा प्रहरीले ५० भन्दा बढीलाई नियन्त्रणमा लिइ अनुसन्धान गरेकाे जिल्ला प्रहरी कार्यालय महोत्तरीले जनाएको छ ।
झा दम्पती सुतेको अवस्थामै बेपत्ता पारिनु, उनीहरू सुतेको खाट पनि फेला नपर्नुले घटना थप रहस्यमय बनेकाे छ ।
प्रकाशित : २०७७ चैत ५ गते २०:३७
ताजा अपडेट
Facebook Comment