No ads found for this position

निषेधाज्ञा उल्लंघन गरी बिहेभोज गर्ने दुई बेहुला पक्राउ

NAWALPUR TIMES
प्रकाशित : २०७८ वैशाख २९ गते २१:१५
No ads found for this position
निषेधाज्ञा उल्लंघन गरी बिहेभोज गर्ने दुई बेहुला पक्राउ
No ads found for this position

पर्वतको जलजला गाउँपालिका– २ मा निषेधाज्ञाको समयमा बिहेभोज गर्ने दुई बेहुलालाई प्रहरीले नियन्त्रणमा लिएको छ । कोरोनाको हटस्पट रहेको जलजला– २ माझफाँटमा बिहेको भोज गर्दै गर्दा प्रहरीले वर्ष २३ का प्रदीप परियार र वर्ष २४ का राजकुमार परियारलाई पक्राउ गरेको हो ।

माझफाँटको छुट्टाछुट्टै दुई स्थानमा बिहेभोजसहित वैवाहिक समारोह आयोजना गरिएको थियो । उक्त गाउँमा ७५ जना कोरोनाका सक्रिय संक्रमित छन् । जिल्ला प्रशासन कार्यालयले बिहे तथा मृत्यु संस्कारमा १० जनाभन्दा बढी सहभागी नहुने र सहभागी भएको पाइएमा कारबाही गर्ने गरी आदेश जारी गरेको छ ।

बिहेभोजमा ३०–४० जना गाउँले भेला भएका प्रहरीले जनाएको छ । प्रहरी पुगेपछि सहभागीहरू भागाभाग गरेका थिए । प्रहरीले सबै भागेपछि दुईजना बेहुलालाई नियन्त्रणमा लिएको छ । उनीहरूलाई आवश्यक कारबाहीपछि छोड्ने प्रहरीले जनाएको छ ।

प्रशासन र स्थानीय तहले भोजभतेर गरेर भिडभाड गरेमा कानुनअनुसार कारबाही गर्ने चेतावनी दिए पनि गाउँगाउँमा भोजभतेर चलिरहेको छ ।

कोरोना संक्रमण नियन्त्रणका लागि सबैले स्वास्थ्यका मापदण्डको पालना गर्न र गराउन भूमिका खेल्नुपर्ने गाउँपालिकाले जनाएको छ ।

प्रकाशित : २०७८ वैशाख २९ गते २१:१५
No ads found for this position
Copyright © 24 Integreated Media Company Pvt. ltd., All Rights Reserved.
Website by: SAROJ BHATTARAI