कावासोति । नवलपुरमा पछिल्लो २४ घण्टामा ११६ जना संक्रमित निको भएका छन् ।
जिल्ला स्वास्थ्य कार्यालय नवलपुरका अनुसार होम आइसोलशेनमा रहेका ११६ जना निको भएका हुन् ।
कोभिडको दोस्रो लहर शुरु भए यता नवलपुरमा २ हजार १९ जना संक्रमित भएकाहरु मध्ये बिहिबार सम्म ९ सय ९जना निको भएका छन् ।
त्यसैगरी बिहिबार ८१ जना नयाँ संक्रमित थपिएका छन् ।
नवलपुरमा बिहिबार गैडाकोटमा ४२जना, देवचुलीमा २ जना, कावासोतीमा १५ जना, मध्यविन्दुमा ७ जना, विनयी त्रिवेणीमा ११ जना, बौदिकालीमा २ जना र जिल्ला बाहिरका २ सहित ८१ जनामा संक्रमण भएको हो ।
योसहित नवलपुरमा सक्रिय संक्रमितको संख्या १ हजार ७८ पुगेको छ ।
त्यसैगरी २४ घण्टामा नवलपुरमा २ जना संक्रमितको निधन भएको स्वास्थ्य कार्यालय नवलपुरले जनाएको छ ।
प्रकाशित : २०७८ जेठ ६ गते १८:१६
Facebook Comment