कावासोती । नवलपुरमा पछिल्लो २४ घण्टामा १ सय २९ जनामा कोरोना संक्रमण पुष्टि भएको छ ।
शनिबार गैंडाकोटमा १९ जना, देवचुलीमा १५ जना, कावासोतीमा ४५ जना , मध्यविन्दुमा २४ जना, विनयी त्रिबेणीमा १५ जना, हुप्सेकोटमा ३ जना, बौदिकालीमा ५ जना, र अन्य ३ जना गरि १२९ जनामा कोरोना संक्रमण पुष्टि भएको स्वास्थ्य कार्यालयले जनाएको छ ।
त्यस्तै पछिल्लो २४ घण्टामा जिल्लामा ६७ जना संक्रमित कोरोना मुक्त भएका छ्न ।
जिल्ला स्वास्थ्य कार्यालयका अनुसार गैंडाकोटका ८ जना, देवचुलीका ११ जना, कावासोतीका २८ जना, मध्यबिन्दुका ५ जना, विनयी त्रिवेणीका १२ जना र अन्य ३ जना गरी ६७ जना कोरोना संक्रमण मुक्त भएका हुन ।
त्यसै गरि पछिल्लो २४ घण्टामा जिल्लामा कोरोना संक्रमणबाट १ जनाको मृत्यु भए सँगै जिल्लामा मृत्यु हुनेको संख्या ६५ पुगेको छ ।
दोस्रो लहरको कोरोना संक्रमण फैलिए सँगै जिल्लामा सक्रिय संक्रमितको संख्या १ हजार ६० पुगेको जिल्ला स्वास्थ्य कार्यालय नवलपुरले जनाएको छ ।
प्रकाशित : २०७८ जेठ ८ गते १८:५९
Facebook Comment