यस्तो छ युरोकपको सेमिफाइनल समीकरण

NAWALPUR TIMES
प्रकाशित : २०७८ असार २० गते ११:५८
यस्तो छ युरोकपको सेमिफाइनल समीकरण

काठमडौं । १६ औं संस्करणको युरोकप फुटबलको सेमिफाइनल समीकरण पूरा भएको छ । शनिबार राति क्वार्टरफाइनलका खेलहरु सकिएसँगै सेमिफाइनल समीकरण तयार भएको हो ।

स्पेनले स्वीट्जरल्याण्डलाई पेनाल्टी सुटआउटमा पराजित गर्यो । डेनमार्कले चेक गणतन्त्रलाई २–१ ले पराजित गर्दै २८ वर्षपछि पहिलो पटक सेमिफाइनलमा पुग्यो ।

सेमिफाइनल खेलहरु मंगलबार र बुधबार हुनेछन् । दुवै सेमिफाइनल इङ्गल्याण्डको वेम्बली स्टेडियममा हुनेछन् ।

मंगलबार राति १२ः४५ बजे पहिलो सेमिफाइनलमा इटाली र स्पेन भिड्ने छन् । इटाली एक पटक र स्पेन तीन पटक च्यापियन बनिसकेको छ ।

दोस्रो सेमिफाइनलमा बुुधबार राति १२ः४५ बजे इङ्गल्याण्ड र डेनमार्क भिड्ने छन् । डेनमार्क एक पटकको च्याम्पियन हो भने इङ्गल्याण्ड पहिलो पटक उपाधि जित्ने होडमा रहेको छ ।

फाइनल खेल वेम्बली स्टेडियममै ११ जुलाईमा हुनेछ ।

प्रकाशित : २०७८ असार २० गते ११:५८
Copyright © 22 Integreated Media Company Pvt. ltd., All Rights Reserved.
Website by: SAROJ BHATTARAI