अमेरिकाको सिडर सायनायल हार्ट इन्टिच्युटले हालै गरेको एक अध्ययन अनुसार यौनसम्पर्कका बेला हुने आकस्मिक हृदयघात महिलामा भन्दा पुरुषमा बढी हुन्छ । इन्टिच्युटका डाक्टर तथा अनुशन्धानकर्ता सुमित चुघले यस अघि पनि हृदयघात हुने कारण सम्बन्धी ४५ सय ५७ वटा अनुसन्धान गरेका थिए ।

डाक्टर चुघका अनुसार सेक्स तथा कार्डियाक अरेस्ट अर्थात आकस्मिक हृदयघातका विषयमा भने यो उनको पहिलो अध्ययन हो । यस अध्ययनको नतिजालाई अमेरिकन हार्ट एसोसिएशनको कन्फेरेन्समार्फत सार्वजनिक गरिएको थियो ।  अध्ययनका अनुसार सडन कार्डियाक अरेस्ट र अर्थात आकस्मिक हृदयघात र हृदयघातमा फरक छ ।

हृदयघात त्यति बेला हुन्छ जतिबेला  मुटुमा पुग्ने रगतमा कुनै कारणवश रुकावाट आउँछ । तर, आकस्मिक हृदयघातमा कुनै करणबाट मुटुले नै अचानक काम गर्न छोड्छ । यस्तो अवस्थामा व्यक्ति बेहोश हुन्छ, श्वास प्रश्वास बन्द हुन्छ र तत्काल कसैको मद्दत नपाएमा ज्यानै जान सक्छ ।

आकस्मिक हार्ट अट्याकसँग जोडिएका केही तथ्य 

यदि व्यक्तिलाई अस्पताल भन्दा बाहिर आकस्मिक हृदयघात भएको छ भने ९० प्रतिशत बिरामी बाँच्ने संभावना हुँदैन । आकस्मिक हर्ट अट्याक भएका व्यक्तिले सीपीआर नपाए प्रत्येक मिनेट बाँच्ने संभावना कम हुँदै जान्छ । तर, हर्ट अट्याक आउने बित्तिकै बिरामीले सीपीआर पायो भने बाँच्ने संभावना बढ्छ । सीपीआरका क्रममा छातीमाथि एक मिनेटमा १ सयदेखि १ सय २० पटक दबाब दिनु पर्छ ।

सीपीआर दिने तरिका सबैले जान्न जरुरी

कार्डियो पल्मोनरी रिज्यूक्युलेसन ९सीपीआर० अर्थात छातीमा दबाब दिने तरीका सबैले सिक्नु पर्ने शोधकर्ताहरूले जोड दिएका छन् । अध्ययनका क्रममा जम्मा एक तिहाई यस्ता घटनामा मात्र सीपीआर दिएको खुल्न आएको छ । डाक्टर चुघका अनुसार सीपीआर अत्ति नै जरुरी छ भन्नेमा पनि अध्ययनले खुलाएको छ । सीपीआर इमरजेन्सीमा दिने एक किसिमको प्राथमिक उपचार विधि हो । जसमा छातीलाई जोडले पटक पटक दबाब दिदै बिरामीमा श्वास फर्काउने प्रयास गरिन्छ ।