कावासोती । नवलपुरमा थप ७८ जनामा कोरोना संक्रमण पुष्टि भएको छ ।
पछिल्लो २४ घण्टामा जिल्लामा १४९ जनामा पिसिआर तथा एन्टिजेन परीक्षण गर्दा ७८ जनामा संक्रमण पुष्टि भएका जिल्ला स्वास्थ्य कार्यालय नवलपुरले जनाएको छ ।
सोमबार संक्रमण पुष्टि हुनेहरुमा गैडांकोटका १२, देवचुलीका ९, कावासोतीका ३२, मध्यविन्दुका १६, विनयीत्रिवेणीका १, हुप्सेकोटका १ र बुलिगंटारका ७ जना रहेका स्वास्थ्य कार्यालय नवलपुरले जनाएको हो ।
सोमबार थपिएका ७८ संक्रमित सँगै जिल्लामा सक्रिय संक्रमितको संख्या ५ सय ८५ पुगेको हो ।
त्यस्तै पछिल्लो २४ घण्टामा कोरोना संक्रमणले जिल्लामा १ जनाको मृत्यु भएको छ । कावासोती नगरपालीका वडा नं ५ का ४० वर्षीय पुरुषको मृत्यु भएको स्वास्थ्य कार्यालय नवलपुरले जनाएको छ ।
यो सँगै जिल्लामा कोरोना संक्रमणले मृत्यु हुनेको संख्या १ सय ५८ पुगेको हो ।
प्रकाशित : २०७८ साउन ३२ गते १९:०४
Facebook Comment