पहिलो खेलमा नै लुकाकुको गोल, आर्सनलको १२८ वर्षपछि नै खराब सुरुवात

NAWALPUR TIMES
प्रकाशित : २०७८ भदौ ७ गते ७:२४

दोस्रो पटक चेल्सीका लागि डेब्यू गरेका रोमेलु लुकाकुले गोल गर्दा आर्सनल २–० ले पराजित भएको छ । खेलको १५ औँ मिनेटमा नै गोल गर्दै लुकाकुले थोमस टुकलको टोलीलाई अग्रता दिलाएका थिए ।

लुकाकु हालै मात्र ९.८ करोड पाउन्डमा इन्टर मिलानबाट चेल्सी फर्किएका हुन् । यसअघि सन् २०११ मा लुकाकु चेल्सी भित्रिएका थिए । तर क्लबले उनलाई त्यतिबेला बेचेको थियो ।

खेलको दोस्रो हाफमा रिस जेम्सले अर्को गोल थप्दै आर्सनलको जीत सुनिश्चित गरे । पराजयसँग आर्सनल पुछारबाट दोस्रो स्थानमा रहेको छ । आर्सनलभन्दा तल गोलअन्तरका आधारमा नर्विच मात्र रहेको छ । आर्सनलसहित पाँच टोलीले हालसम्म लिगमा अंक बटुल्न सकेका छैनन् ।

११८ सिजन र १२८ वर्षपछि लिग प्रतियागितामा आर्सनलको योसबैभन्दा खराब सुरुवात हो । पहिलो खेलमा आर्सनल ब्रेन्डफोर्डसँग २–० गोलले नै स्तब्ध बनेको थियो ।

प्रकाशित : २०७८ भदौ ७ गते ७:२४