मुगुको गमगढीमा भीषण आगलागी, २१ घर जलेर नष्ट
प्रकाशित : २०७८ कार्तिक ३० गते ७:१७
कालीकाेट – मुगुको सदरमुकाम गमगढीमा भीषण आगलागी भएको छ ।
गमगढीमा राति साढे १२ बजेदेखि आगो लाग्दा २१ वटा घर जलेर पूर्ण नष्ट भएको छ ।
अहिले आगोलाई फैलनबाट रोके पनि पूरै आगो निभिनसकेको प्रमुख जिल्ला अधिकारी रोमबहादुर महतले उज्यालोलाई जानकारी दिनुभयो ।
उहाँकाअनुसार साँघुरो र बाक्लो बजारका कारण धेरै नोक्सानी भएको छ।
अहिले पनि सेना, प्रहरी र स्थानीय बासिन्दाको सहयोगमा आगो निभाउने काम भइरहेको छ । आगोलाई फैलिनबाट रोक्न बीचमा रहेका घरलाई भत्काएर ठाउँ खाली गर्न थालिएको उहाँले बताउनुभयो । क्षतिको विवरण आइसकेको छैन ।
तस्बिर : हंस मल्ल
प्रकाशित : २०७८ कार्तिक ३० गते ७:१७
ताजा अपडेट
Facebook Comment