ब्राजिल र अर्जेन्टिना बराबरीमा रोकिए
प्रकाशित : २०७८ मंसिर १ गते ९:३४
एजेन्सी । फिफा विश्वकप छनोटमा ब्राजिल र अर्जेन्टिनाले बराबरी खेलेका छन् । बुधबार बिहान भएको खेलमा ब्राजिल र अर्जेन्टिना गोलरहित बराबरी खेलेका हुन् ।
अर्जेन्टिनाको घरेलु मैदानमा दुबै टोलीले पाएको केही राम्रा मौकालाई सदुपयोग गर्न सकेनन् । बल पोसेसनमा पकड जमाएपनि अर्जेन्टिनाले ब्राजिलको डिफेन्सलाई तोड्न सकेन ।
यो बराबरीसँगै अर्जेन्टिनाले विश्वकपमा छनोट हुने अवसर गुमाएको छ । यस खेलमा अर्जेन्टिनाले जित हासिल गरेको भए विश्वकपमा छनोट हुने थियो ।
अब अर्जेन्टिनाले जनवरीमा हुने छनोटको खेलपछि मात्र विश्वकप भविष्य पक्का गर्नेछ । अर्जेन्टिना छनोटमा भने सुदृढ अवस्थामा छ । हुनबाट बन्चित भएको छ । ब्राजिल भने यसअघि नै विश्वकपमा छनोट भइसकेको छ । अब दक्षिण अमेरिकीबाट बाँकी ३ टोली छनोट हुन बाँकी छ ।
ब्राजिलले १३ खेलमा ३५ अंक जोड्दै समूहको शीर्ष स्थानमा रहेको छ । १३ खेलबाट २९ अंक जोडेको अर्जेन्टिना दोस्रो स्थानमा रहेको छ ।
ताजा अपडेट
Facebook Comment