स्थानीय तह निर्वाचनको मिति यथाशीघ्र तोक्न सरकारलाई निर्वाचन आयोगको आग्रह

NAWALPUR TIMES
प्रकाशित : २०७८ माघ ११ गते १६:०८

काठमाडौं । निर्वाचन आयोगले स्थानीय तह निर्वाचनको मिति यथाशीघ्र तोक्न सरकारसँग आग्रह गरेको छ । आयोगले मंगलबार प्रेस विज्ञप्ती जारी गरेर यथाशीघ्र स्थानीय तह निर्वाचनको मिति तोक्न सरकारसँग आग्रह गरेको हो ।

आयोगद्वारा जारी विज्ञप्तीमा भनिएको छ, ‘वर्तमान संवैधानिक एवं कानूनी ब्यवस्थाको आधारमा स्थानीय तहको निर्वाचनको मिति तोक्ने काम जति विलम्ब हुदै जान्छ, त्यति नै निर्वाचन ब्यवस्थापनको कार्य ब्यवहारिक एवं प्राविधिक कारणले जटिल बन्दै जान्छ भन्ने तथ्यलाई दृष्टिगत गरी स्थानीय तह निर्वाचन ऐन, २०७३ को दफा ४ को उपदफा (१) बमोजिम आयोगको परामर्शमा आगामी स्थानीय तहको निर्वाचनको मिति यथाशीघ्र तोक्न नेपाल सरकार समक्ष निर्वाचन आयोग आग्रह गर्दछ ।’