नवलपुर । बलात्कारको आरोपमा प्रहरी हिरासतमा रहेका नायक पल शाहसँग नवलपुरको जिल्ला सरकारी वकिलको कार्यालयमा अहिले बयान लिन सुरु गरिएको छ ।
जिल्ला प्रहरी कार्यालय नवलपुरका प्रवक्ता डिएसपी दिलिपकुमार गिरीले शाहलाई थप अनुसन्धानका लागि जिल्ला सरकारी वकिल कार्यालयमा उपस्थित गराईएको बताए ।
शाहसँग यतिबेला सरकारी वकिल कार्यालयमा बयान लिने काम सुरु भएको बताईएको छ ।
बलात्कारको आरोपमा तनहुँ प्रहरी को हिरासतमा रहेका शाहलाई सोही आरोपमा नवलपुरको ईलाका प्रहरी कार्यालय गैंडाकोटमा पनि उजुरी परे पछि थप अनुसन्धानको लागि भन्दै मंगलबार गैंडाकोट ल्याईएको थियो । शाह विरुद्धको आरोपको अनुसन्धान नसकिदा सम्म उनलाई नवलपुरमै राख्ने तयारी रहेको प्रहरी स्रोतले बतायो ।
ईलाका प्रहरी कार्यालय गैंडाकोटमा पल विरुद्ध गैंडाकोटकै एउटा रिसोर्टमा नाबालिकालाई बलात्कार गरेको उजुरी परेको थियो ।
प्रकाशित : २०७८ फागुन २५ गते १४:२१
Facebook Comment