मत गणना बाँकी छँदै भरतपुरमा रेनु र चित्रसेनको जित सुनिश्चित
प्रकाशित : २०७९ जेठ ९ गते २१:३३
चितवन- भरतपुर महनगरपालिकाको मेयरमा माओवादीकी रेनु दाहालको जित सुनिश्चित भएको छ । १ लाख १६ हजार ६ सय ६६ मत गणना हुँदा दाहालले ४७ हजार ४० मत प्राप्त गरेकी छन् ।
त्यस्तै नेकपा एमालेका उम्मेदवार विजय सुवेदीले ३५ हजार ५ सय ८३ मत प्राप्त गरेका छन् । त्यसैगरी स्वतन्त्र उम्मेदवार जगन्नाथ पौडेलले १४ हजार २ सय ६३ मत ल्याएका छन् ।
सुवेदी भन्दा दाहाल ११ हजार ४ सय ५७ मतले अगाडि छिन् । महानगरमा १० हजार ९ सय मत गणना गर्न अब मात्र बाँकी छ ।
त्यस्तै नेपाली कांग्रेसका उपमेयर उम्मेदवार चित्रसेन अधिकारीले ४७ हजार ९ सय ५८ मत ल्याएका छन् । त्यसैगरी राप्रपाकी हिमला गुरुङले २७ हजार ९ सय २२ मत ल्याएका छन् ।
महानगरमा २९ वडा छन् । निर्वाचनमा कूल मत १ लाख २७ हजार ५ सय ६६ मत खसेको थियो । कूल मतदाताको ६८ दशमलव ६८ प्रतिशत मतदान भएको छ । मतदाताको संख्या १ लाख ८५ हजार ७ सय ५२ रहेको छ ।
ताजा अपडेट
Facebook Comment