सामूहिक बलात्कार आरोपमा ६ युवा पक्राउ, सबै १९ वर्षका
प्रकाशित : २०७९ जेठ १९ गते ९:१६
रुपन्देही । सामूहिक बलात्कारमा संलग्न ६ युवालाई कपिलवस्तु प्रहरीले पक्राउ गरेको छ ।
रुपन्देहीको कन्चन गाउँपालिका रुद्रपुरका ६ जना युवालाई मंगलबार साँझ कपिलवस्तुको बाणगंगाबाट प्रहरीले नियन्त्रणमा लिएको हो ।
१४ वर्षीयाा किशोरीको अपहरण गरी रुपन्देहीको कन्चन ४ रुद्रपुरमा सामुहिक बलत्कार गरेको आरोपमा उनीहरु पक्राउ परेका हुन् ।
पक्राउ पर्नेहरुमा रुपन्देहीको कन्चन गाउँपालिका वडा नम्बर ५ का निरज कार्की, वडा नम्बर ४ का राहुल सिंन्जाली, सोही ठाउँका सुलभ केसी, कन्चन गाउँपालिका वडा नम्बर ३ का लक्ष्मण रसाईली, अमित कंडेल र सौरव थापा रहेको जिल्ला प्रहरी कार्यालय कपिलवस्तुका सुचना अधिकारी प्रहरी नायव उपरीक्षक जेसी शाहले बताए। उनीहरु सबैजना १९ वर्षका रहेको प्रहरीले जनाएको छ ।
स्थानीय बजारमा सांस्कृतिक कार्यक्रम हेर्न पुगेकी ती किशोरीलाई अपहरण गरी लगेको सूचनाका आधारमा खोजी गर्दा उनीहरुलाई प्रहरीले फेला परेको हो ।
उनीहरुले अपहरण गरी कन्चन गाउँपालिका वडा नम्बर ४ मा रहेको लक्ष्मण रसाईलीको घरमा सामुहिक बलत्कार गरेको आरोप छ ।
ताजा अपडेट
Facebook Comment