पोखरा । प्रजातान्त्रिक चिकित्सक संघ गण्डकी प्रदेशको अध्यक्षमा युवा सर्जन डा.सूर्य ज्योति श्रेष्ठ चयन भएका छन्। आइतबार पोखरामा भएको पहिलो प्रदेश महाधिवेशन बाट श्रेष्ठ सर्वसम्मत चयन भएका हुन् । महाधिवेशनले २१ सदस्यीय कार्यसमिति चयन गरेको हो ।

समितिको उपाध्यक्षमा डा.ईश्वर कंडेल, महासचिवमा डा. प्रेम पंगेनी,सचिवमा डा.आनन्द भट्टराई र कोषाध्यक्षमा डा. दिपेश कार्की चयन भएका छन ।

यस्तै समितिको सदस्यहरुमा डा.शिवशंकर शाह ,डा.रञ्जन पोख्रेल,डा. रमेश आचार्य ,डा. गरिमा बराल, डा.कृष्ण सापकोटा,डा.शिव रेग्मी चयन भएका छन । समितिका अन्य सदस्यहरुमा डा.ध्रुव पौडेल,डा. हिमलाल भण्डारी,डा. निकुञ्ज क्षेत्री,डा निरज थापा,डा.पुजन शर्मा,डा.सुमन बराल, डा.विवेक पराजुली,डा.हरि पौडेल र डा.सुनिल पहारी चयन भएका हुन् ।

यस्तै महाधिवेशनले गण्डकी प्रदेशको मातहतका जिल्लामा संयोजकको जिम्मेवारी समेत तोकेको छ । कास्की जिल्ला संयोजकमा डा.रामजी बराल,स्याङ्गजामा डा. सुदिप रेग्मी,बाग्लुङ्गमा शैलेन्द्र पोख्रेल बि.क.,मनाङ्गमा डा. मंगल हिराचन,र तनहुंँमा डा.रामकुमार श्रेष्ठलाई संयोजकको जिम्मेवारी तोकिएको छ ।

अन्य जिल्ला संयोजक हरुमा गोर्खा जिल्लाबाट डा. बिनोद दवाडी, नवलपुरमा गंगा सापकोटा, लमजुङ्गमा तिलक घिमिरे र मुस्ताङ्गमा अनु शेरचनलाई संयोजकको जिम्मेबारीमा तोकिएको हो । म्याग्दी र पर्वत जिल्लामा पछि जिम्मेवारी तोकिने प्रजातान्त्रिक चिकित्सक संघका केन्द्रिय अध्यक्ष डा. कार्कीले जानकारी दिए ।

सो कार्यक्रमको प्रमुख अतिथि गण्डकी प्रदेशका मुख्यमन्त्री कृष्ण चन्द्र नेपाली रहेका थिए। यस्तै
विशिष्ट अतिथिहरुमा नेपाली कांग्रेस गण्डकी प्रदेशका सभापति शुक्रराज शर्मा, प्रजातान्त्रिक चिकित्सक संघका केन्द्रीय अध्यक्ष डा.अनिल विक्रम कार्की, संघका महासचिव डा. संयुक्त आचार्य लगायतको सहभागिता रहेको थियो।

सो क्रममा बोल्दै नवनिर्वाचित श्रेष्ठले संघको गण्डकी प्रदेशलाई चलायमान र गतिशिल बनाउन सबै जिल्लामा जिल्ला संयोजक चयन गरिएको बताए ।यो समितिको कार्यकाल पांँच वर्षको लागि रहने छ ।