नवलपुरमा सुरु भयो जग्गाको नाप जाँच, नाप जाँच लगत्तै पुर्जा वितरण गरिने
प्रकाशित : २०७९ भदौ २४ गते १६:३५
कावासोती । नवलपुरमा राष्ट्रिय भुमि आयोगले हुप्सेकोट गाउँपालिकाबाट जग्गाको नाप जाँच सुरु गरेको छ ।
शुक्रबार हुप्सेकोट गाउँपालिकाको वडा नं-२ बाट नाप जाँच सुरु गरिएको राष्ट्रिय भुमि आयोग नवलपुरका अध्यक्ष तारापति खरेलले बताउनु भयो ।
वडा कार्यालयले लगत संकलन गरि त्यसको आधारमा निस्सा वितरण गरेको र ७ दिने र १५ दिने सूचना निकाले पछि नाप जाँच सुरु गरिएको अध्यक्ष खरेलले बताउनु भयो ।
पहिलो चरणमा वडा नं २ का निस्सा वितरण भएका भुमिहिन दलित ७३, भुमिहिन सुकुम्बासी ८० र अव्यवस्थित बसोबास ४२२ जनाको नाप जाँच सुरु गरिएको अध्यक्ष खरेलले बताउनु भयो ।
जिल्लाका ८ वटा स्थानिय तह मध्ये हुप्सेकोट गाउँपालिकाले स्थानीय तहको तर्फबाट गर्नु पर्ने काम सकेकाले हुप्स्कोट बाट काम सुरु गरिएको अध्यक्ष खरेलले बताउनु भयो । खरेलका अनुसार नाप जाँच सकिए लगत्तै पुर्जा वितरणको काम अगाडी बढनेछ ।
ताजा अपडेट
Facebook Comment