गण्डकीमा आज सभामुखको निर्वाचन हुँदै
प्रकाशित : २०७९ पुष ३० गते ८:४९
कावासोती । गण्डकी प्रदेशमा आज सभामुखको निर्वाचन हुने भएको छ । सभामुख चयनका लागि प्रदेशसभाको बैठक आज अपराह्न ३ः०० बजेका लागि बोलाइएको छ ।
प्रदेशसभाको शुक्रवारको बैठकमा प्रदेशसभाको अध्यक्षता गर्नुभएका ज्येष्ठ सदस्य मित्रलाल बस्यालले प्रदेश सभामुख चयन गर्न आज बैठक बोलाउनुभएको हो ।
सत्तारुढ गठबन्धनबाट गण्डकी प्रदेशको सभामुखमा नेकपा (माओवादी केन्द्र)का कृष्णप्रसाद धिताल उम्मेदवार बन्नुहुने भएको छ ।
सत्ता गठबन्धनमा माओवादी केन्द्रले सभामुख पाउने निर्णय यसअघि नै भइसकेको छ । यहाँ नेकपा (एमाले)ले मुख्यमन्त्री र माओवादीले सभामुख पाउने गरी भागबन्डा गरिएको थियो ।
सोहीअनुसार नेकपा(एमाले)का संसदीय दलका नेता खगराज अधिकारी मुख्यमन्त्री नियुक्त भएर प्रदेशसभाबाट विश्वासको मत पाइसक्नुभएको छ ।
६० सदस्य रहेको गण्डकी प्रदेशसभामा नेपाली काँग्रेसका २७, नेकपा (एमाले)का २२, माओवादी केन्द्रका आठ, राप्रपाका दुई र स्वतन्त्र एक सदस्य हुनुहुन्छ ।
ताजा अपडेट
Facebook Comment