गृह मन्त्रालय नपाए रास्वपा सरकारमा नजाने
प्रकाशित : २०७९ चैत १२ गते १७:०१
काठमाडौं । राष्ट्रिय स्वतन्त्र पार्टी (रास्वपा) ले प्रधानमन्त्री पुष्पकमल दाहाल नेतृत्वको सरकारमा सहभागी हुनका लागि शर्तहरु अगाडि सारेको छ । रास्वपाले साविकका मन्त्रालयहरु पाएमात्रै सरकारमा सहभागी हुने अडान राखेको छ ।
यदि साविकका मन्त्रालय आफूहरुले नपाएको खण्डमा रास्वापा सरकारमा सहभागी नहुने पार्टी प्रवक्ता डा. मुकुल ढकालले बताए ।
रास्वपाले यसअघि गृह, शिक्षा, श्रम मन्त्रालय र एक राज्यमन्त्री पाएको थियो । रास्वपा सभापति रवि लामिछानेको नागरिकता विवादका कारण उनी सांसद् पदबाट मुक्त भएका थिए । लामिछाने पदमुक्त भएसँगै गृहमा रास्वपाले दाबी गर्दै आएको थियो । प्रधानमन्त्री प्रचण्ड पुनः गृहमन्त्रालय दिन सकारात्मक नहुँदा रास्वपा सरकारबाट बाहिरिएको थियो ।
प्रकाशित : २०७९ चैत १२ गते १७:०१
ताजा अपडेट
Facebook Comment