हत्या गरेर गाडेको अवस्थामा बाघ फेला
प्रकाशित : २०८० फागुन १२ गते १८:०८
कावासोती । मध्यविन्दु नगरपालिका वडा नं -१५ मा भाले बाघ हत्या गरेर गाडिएको अवस्थामा फेला परेको छ ।
नवदुर्गा सामुदायिक वन क्षेत्रमा रहेको खोल्सामा मृत बाघ पुरेको अवस्थामा फेला परेको हो । उक्त क्षेत्रमा सिनो गन्हाएको गन्ध आए पछि वन हेरालुले डिभिजन वनमा खबर गरेका थिए। फेला परेको बाघको उत्खनन् गर्दा बाघ मारेर गाडिएको प्रारम्भिक अनुसन्धानले देखाएको छ ।
घटना स्थलमा प्रहरी, वनका सुरक्षाकर्मी पुगेको र मुचुल्ला भएको र बाघको आईतबार पोस्टमार्टम हुने डिभिजन वन प्रमुख वसन्त केशव अधिकारी ले बताए । उक्त बाघको संवेदनशील अंग सुरक्षित रहेको बताईएको छ ।
यस अघि नवलपुरको मध्यविन्दु-१० मा मृत अवस्थामा फेला परेको थियो । उक्त बाघको पोस्टमार्टम रिपोर्ट आईसकेकोछैन ।
प्रकाशित : २०८० फागुन १२ गते १८:०८
ताजा अपडेट
Facebook Comment