रजत वर्षको अवसरमा एकीकृत दुग्ध विकास सहकारीको तिज गीत प्रतियोगिता, लालीगुराँस आमा समुह प्रथम
प्रकाशित : २०८१ भदौ १५ गते १९:२५
शारदा झेडी मगर, कावासोती । २०५६ सालमा स्थापना भएको एकिकृत दुग्ध बिकास सहकारी संस्था लि कावासोती ८ ले आफ्नो रजत वर्षको अवसरमा आज तिज गित प्रतियोगिता कार्यक्रम सम्पन्न गरेको छ । “दुध उत्पादनद्वारा आर्थिक रुपान्तरणमा सहकारीको भुमिका” विषयक तीज गित प्रतियोगिता कार्यक्रम सम्पन्न गरेको हो ।
प्रतियोगितामा लालीगुराँस आमा समुह कावासोती ६ माझटोलले प्रथम स्थान हासिल गर्न सफल भएको छ भने प्रगती दुग्ध उत्पादक कृषक समुह कावासोती-८ द्वितीय , लालीगुरास आमा समुह कावासोती-६ कोखे टोलले तृतिय स्थान हासिल गरेका छन् । यसैगरि बैदिक भजन समुह कावासोती-८ ले सान्त्वना र प्रोत्साहन स्वरुप मनकामना श्रीकृष्ण भजन समुह कावासोती ८ लाई सम्मान गरिएको कार्यक्रम संयोजक रुद्रप्रसाद सापकोटाले जानकारी दिनुभयो ।
संस्थाका अध्यक्ष बालकुमार शर्मा भुसालको अध्यक्षतामा सम्पन्न प्रतियोगिताको प्रमुख अतिथि समेत रहनु भएकी गण्डकी प्रदेश सभाका पुर्व सभासद् ओमकला गौतमले उदघाटन गर्नु भएको हो ।
लोक दोहोरी प्रतिस्ठानका संस्थापक महासचिव तेज बहादुर के सी निर्णायक समिती संयोजक रहनु भएको प्रतियोगितामा पत्रकार एवं कुमारवर्ती बहुमुखी क्याम्पसका प्रध्यापक शारदा झेडी मगर र रेडक्रस सोसाईटी नवलपुर जिल्ला शाखाका कोषाध्यक्ष बेदप्रसाद शर्मा न्यौपाने सदस्य रहनुभएको थियो । प्रतियोगितामा कावासोती नगरभित्र रहेका विभिन्न आमा समुह एवं महिला समुहका १५ समुहले सहभागिता जनाएका थिए ।
Facebook Comment