No ads found for this position

मेघगर्जन र चट्याङसहित बर्षा हुने, सर्तक रहन आग्रह

NAWALPUR TIMES
प्रकाशित : २०७९ असार १३ गते ९:५६
No ads found for this position
मेघगर्जन र चट्याङसहित बर्षा हुने, सर्तक रहन आग्रह
No ads found for this position
नवलपुर । नेपालमा देशभर मनसुनी वायुको प्रभाव बढेर गएको छ । मनसुनी वायुको प्रभावका कारण आज (सोमबार) देशका धेरै भू-भागमा बर्षाको सम्भावना रहेको मौसमविदले बताएका छन् ।

आज पनि प्रदेश-१ लगायत अन्य प्रदेशका पहाडी भू-भागका केही स्थानहरूमा हल्कादेखि मध्यम वर्षा भइरहेको छ । देशभरका पहाडी भू-भागका धेरै स्थानहरूमा र बाँकी भू-भागका थोरै स्थानहरूमा मेघगर्जन/चट्याङसहित हल्कादेखि मध्यम वर्षाको सम्भावना रहेको छ ।

प्रदेश-१ तथा गण्डकी प्रदेशका एक-दुई स्थानमा भारी वर्षाको सम्भावना रहेको छ । भारी वर्षाको पनि सम्भावना रहेकोले उक्त प्रदेशहरूको पहाडी भू-भागमा भू-क्षय, पहिरो तथा गेग्रान बहावको जोखिम रहेको साथै नदी नाला तथा खहरे खोलाहरूमा पानीको सतह बढ्न सक्ने तथा दैनिक जनजीवन/ यातायात क्षेत्र समेत प्रभावित हुन सक्ने मौसम पूर्वानुमान महाशाखाले जनाएको छ ।

यस्तै मंगलबार देशभर सामान्यदेखि पूर्ण बदली रहने जनाइएको छ । देशका धेरै स्थानहरूमा हल्कादेखि मध्यम वर्षाको सम्भावना रहेको छ । प्रदेश-१, मधेस प्रदेश, बागमती प्रदेश, गण्डकी प्रदेश, लुम्बिनी प्रदेशका र सुदूरपश्चिम प्रदेश का एक-दुई स्थानमा भारी वर्षाको पनि सम्भावना रहेको छ ।

प्रकाशित : २०७९ असार १३ गते ९:५६
No ads found for this position
Copyright © 24 Integreated Media Company Pvt. ltd., All Rights Reserved.
Website by: SAROJ BHATTARAI