गैँडाकोट नगरपालिका नगर प्रमुख तथा उपप्रमुखको कार्यकक्षमा लगाईएको ताला फोडियो
प्रकाशित : २०७७ असार २१ गते १४:४५
प्रकाश भण्डारी, गैँडाकोट
गैँडाकोट नगरपालिका नगरप्रमुख छत्रराज पौडेल र उपप्रमुख विष्णुकुमारी कंडेलको कार्यकक्षमा लगाइएको ताला आज फोडिएको छ।
नेपाल आदिवासी जनजाती महासंघ नगर समन्वय समिति गैंडाकोटको पहलमा नगरपालिकाको नगर प्रमुख र उपप्रमुखको कार्यकक्षमा लगाईएको ताला आज दिउसो फोडिएको हो।
नगरपालिकामा असार मसान्तसँगै कामको चाप बढिरहेको र दिनानुदिन सेवाग्राहीले दु:ख भोगिरहनुपरेको हुँदा ताला फोड्न बाध्य भएको नेपाल आदिवासी जनजाती महासंघ नगर समन्वय समितिका अध्यक्ष ललितबहादुर गुरूङले बताउनुभयो।
सातौँ नगरसभामा पारित भएको नीति कार्यक्रम र बजेटमा असन्तुष्ट व्यक्त गरेका नगरसभा सदस्यहरुले असार १६ गते गैँडाकोट नगरकार्यपालिकाको नगरप्रमुख छत्रराज पौडेलको कार्यकक्ष, उपप्रमुख विष्णु कुमारी कडेँल र प्रमुख प्रशासकीय अधिकृतको कार्यकक्षमा ताला लगाएका थिए।
गैंडाकोट नगरपालिकाको तीन वटा कार्यकक्षमा लगाइएको ताला मध्ये प्रमुख प्रशासकीय अधिकृतको कार्यकक्षमा लगाइएको ताला असार १८ गते खोलिएको थियो।
सम्बन्धित समाचार
ताजा अपडेट
Facebook Comment