मध्यविन्दु नगरपालिकाद्धारा लकडाउनमा कडाई, नगर प्रवेशमा पुर्ण बन्देज
प्रकाशित : २०७७ जेठ १ गते १८:२०
देशभर बढ्दै गएको कोरोना भाइरसको संक्रमित लाई मध्यनजर गर्दे मध्यविन्दु नगरपालिकाले लकडाउनलाई थप कडाई गर्ने निर्णय गरेको छ।
मध्यविन्दु नगरपालिकामा आज बसेको विपद व्यवस्थापन समितीको वैठकले जेष्ठ १ गते रात देखि ५ गते राति १२ वजे सम्म लकडाउनलाई पुर्ण कडाईका साथ लागु गर्ने निर्णय गरेको छ।
कारोना भाइरसको रोकथामका लागि शुक्रवार देखि आगामी ५ गते सम्म मध्यविन्दु नगरकार्यपालिका कार्यालय सहित सम्पुर्ण वडा कार्यालयहरु वन्द गरिने भएको छ।
मध्यविन्दु नगरपालिकाको स्वास्थ्य र पशु सेवा शाखा बाहेकका अन्य सम्पुर्ण शाखाहरु वन्द गर्ने निर्णय भएको मध्यविन्दु नगरपालिकाका नगर प्रमुख चन्द्रबहादुर रानाले बताउनु भयो।
त्यसैगरी अन्य पालिका र जिल्ला वाट मध्यविन्दु नगरपालिका प्रवेशमा पुर्ण बन्देज लगाइने भएको छ।
पुर्व पश्चिम राजमार्ग वाहेक अन्य सहायक सडकहरुमा एम्बुलेन्स, प्रेस, सुरक्षाकर्मी, स्वास्थ्यकर्मी वाहेकका कुनै पनि यातायातको साधन सञ्चालनमा पुर्ण वन्देज लगाइएको छ।
मध्यविन्दु नगरपालिका भित्र संचालित खाद्य पसलहरू दैनिक बिहान ७ देखि ९ बजे सम्म मात्र खुल्न पाउने भएका छन। नगर भित्र संचालित सम्पूर्ण वित्तिय संस्था, सहकारी, बैंकहरु, खानेपानी संस्थान, सामुदायिक वनहरुको कार्यालय, सरकारी तथा गैर सरकारी संस्थाहरुको कार्यालय लगायत अन्य कार्यालयहरू बन्द गर्ने निर्णय गरिएको नगर प्रमुख चन्द्र बहादुर रानाले बताउनु भयो।
ताजा अपडेट
Facebook Comment