नवलपुर अपडेट : १०५ जना निको हुँदा १२१ जनामा संक्रमण, २ जनाको मृत्यु
प्रकाशित : २०७८ जेठ ३ गते १८:०८
कावासोति । नवलपुरमा सोमबार १ सय ५ जना संक्रमित निको भएका छन् ।
कोभिडको दोस्रो लहर शुरु भए यता नवलुरमा १ हजार ७ सय १२ जना संक्रमित भएकाहरु मध्ये सोमबारसम्म ६ सय जना निको भएका छन् ।
त्यसैगरी सोमबार १ सय २१ जना नयाँ संक्रमित थपिएका छन् ।
नवलपुरमा सोमबार गैडाकोटमा १८ जना, देवचुलीमा १२ जना, कावासोतीमा ४४ जना, मध्यविन्दुमा २० जना, विनयी त्रिवेणीमा २१ जना, हुप्सेकोटमा ४ जना, बुलिङ्गटारमा १ जना र बौदीकालीमा १ जना नयाँ संक्रमित थपिएका हुन् ।
योसहित नवलपुरमा सक्रिय संक्रमितको संख्या १ हजार ५० रहेको छ ।
त्यसैगरी सोमबार नवलपुरमा २ जना संक्रमितको निधन भएको स्वास्थ्य कार्यालय नवलपुरले जनाएको छ ।
नवलपुरमा पछिल्लो समय संक्रमण दर विस्तारै घट्न थालेको छ भने निको हुने दर विस्तारै बढ्न थालेको छ ।
प्रकाशित : २०७८ जेठ ३ गते १८:०८
ताजा अपडेट
Facebook Comment