सुजिता मृत्यु प्रकरण : दाइविरुद्ध दुरुत्साहन मुद्दा
प्रकाशित : २०७८ साउन ३२ गते १०:३६
चितवन — सुजिता भण्डारी मृत्यु प्रकरणको छानबिनका क्रममा पक्राउ परेका मृतक सुजिताको ठूलो बुबाका छोरा सुकदेव भण्डारीविरुद्ध आइतबार चितवन जिल्ला अदालतमा आत्महत्या दुरुत्साहनमा मुद्दा दायर भएको छ । आमा अम्बिका भण्डारीले सुकदेवविरुद्ध चितवन प्रहरीमा साउन ६ गते उजुरी दिएकी थिइन् । त्यसको भोलिपल्टै प्रहरीले उनलाई काठमाडौंबाट पक्राउ गरेको थियो ।
राप्ती नगरपालिका–३ की २३ वर्षीय सुजिता असार ११ गते बिहानै घरबाट निस्केकी थिइन् । अपहरणमा परेको भन्ने परिवारले दिएको सूचनाका आधारमा प्रहरीले सुजिताको खोजी गरेको थियो । तर घरबाट निस्केको नौ दिनपछि असार २० गते साँझ उनको शव जंगलमा भेटिएको थियो । काठमाडौं त्रिवि शिक्षण अस्पतालमा पोस्टमार्टम भए पनि मृत्युको कारण खुलेन । त्यसैले भिसेरा परीक्षणका लागि नमुना बुझाइएको छ ।
भिसेरा परीक्षणको रिपोर्ट अझै नआएको चितवन जिल्ला प्रहरी कार्यालयका प्रवक्ता डीएसपी सूर्य थापाले बताए । सुजिताकी दिदीले ‘अपहरण’ मा परेको भन्ने मौखिक जानकारी दिएका आधारमा अनुसन्धान गरिरहेको प्रहरीले सुकदेव र सुजिताको सम्बन्ध पारिवारिक र दाजुबैनीको मात्र नभई शंकास्पद देखिन्छ भनेर परिवारका सदस्यले भनेपछि अनुसन्धानले अर्कै मोड लिएको थियो ।
यो समाचार रमेशकमार पौडेले ईकान्तिपरमा लेखेका छन ।
ताजा अपडेट
Facebook Comment