भरतपुर अस्पतालमा दुई जना कोरोना संक्रमितको मृत्यु
प्रकाशित : २०७८ भदौ ३० गते १८:०४
चितवन, भदौं ३०-
भरतपुर अस्पतालमा विगत २४ घण्टामा दुई कोरोना संक्रमितको मृत्यु भएको छ ।
स्वास्थ्य कार्यालय चितवनका अनुसार भरतपुर अस्पतालमा चितवनका दुई जनाको मृत्यु भएको हो । चितवनमा अहिले ४८ जना कोरोनाका बिरामीले विभिन्न अस्पतालमा उपचार गराइरहेका छन् ।
जसमध्ये आईसीयूमा १६ जना, भेन्टिलेटरमा एक जना, एचडीयूमा १७ जना, जेनरल बेडमा १५ जना रहेका छन् । विगत २४ घण्टामा विभिन्न अस्पतालमा सात जना कोरोनाका बिरामी डिस्चार्ज भएका छन् ।
चितवनमा विगत २४ घण्टामा ५७ जना कोरोना संक्रमित थपिएका छन् ।
प्रकाशित : २०७८ भदौ ३० गते १८:०४
ताजा अपडेट
Facebook Comment