घर अगाडि घाम तापेर बसिरहेका दुई जना गैंडाको आक्रमणबाट घाइते
प्रकाशित : २०७८ माघ ५ गते १८:२८
काठमाडौं । पश्चिम चितवनमा गैँडाको आक्रमणबाट दुई जना घाइते भएका छन् । भरतपुर महानगरपालिका–२२ पटिहानीमा आज दिउँसो ३:३० बजे गैँडाको आक्रमणबाट दुई घाइते भएका हुन् ।
जिल्ला प्रहरी कार्यालय चितवनका अनुसार घाइते हुनेमा स्थानीय ७० वर्षीय बुदना महतो र ८० वर्षीय धोधारी महतो रहेका छन् ।
कार्यालयका प्रवक्ता प्रहरी नायब उपरीक्षक नरहरि अधिकारीका अनुसार घर अगाडि घाम तापेर बसिरहेको अवस्थामा उनीहरूलाई गैँडाले आक्रमण गरेको हो ।
गैँडाको आक्रमणमा परी दुवै जना खतरामुक्त रहेको र उपचारका लागि चितवन मेडिकल कलेज ल्याइएको उनले जानकारी दिए ।
प्रकाशित : २०७८ माघ ५ गते १८:२८
ताजा अपडेट
Facebook Comment