मैले कति योगदान गर्न सके थाहा छैन तर मेरो देशले क्रिकेट जितेको छ : लामिछाने

NAWALPUR TIMES
प्रकाशित : २०७९ फागुन १० गते ११:४६

कावासोती । नेपाली राष्ट्रिय क्रिकेट टोलीका खेलाडी सन्दीप लामिछानेले आफूले कति योगदान गरे भन्ने थाहा नभए पनि देशले क्रिकेट जितेकामा खुशी लागेको बताएका छन् ।

मंगलबार त्रिवि क्रिकेट मैदानमा भएको त्रिकोणात्मक एक दिवसीय सिरिजको चार खेलमा नेपालले चारै खेल जितेको थियो । ‘मैले कति योगदान गर्न सके थाहा छैन तर मेरो देशले क्रिकेट जितेको छ.. यो साथ यो मायाको लागि सम्पूर्णमा हृदयदेखि आभारी छु,’ सन्दीपले सामाजिक सञ्जालमा लेखेका छन ।

सन्दीपले सिरिजको चार खेलमा १३ विकेट लिएका थिए । पहिले, दोस्रो र तेस्रो खेलमा तीन–तीन विकेट लिएका सन्दीपले अन्तिम खेलमा ४ विकेट लिएका थिए । सन्दीपको उत्कृष्ट प्रदर्शनले पनि नेपाललाई सिरिज जिताउन महत्वपूर्ण भूमिका खेल्यो ।

प्रकाशित : २०७९ फागुन १० गते ११:४६